زجل فولوكلوري    بقلم سليمان أبا الحسن

ياهل الضيعه جيناكو

جبنا بضاعة وجيناكو

أنا سلمان الشيني

حمصي شيني وبرشيني

للصبايا  وللبنات

روبة جبني وللبنات

نجبر خاطر البنات

وشراخات وقداحات

وطبقه للف التتنات

عنا حني عنا مشاط 

وشحاطات  والصباط

مفتوحات وبلا رباط

وسن الدهب والأصلي

شغل الغجر والقرباط

ياعمي ياعمي الشيني

تعى نشوف وفرجيني

بدي منهن دزيني

بكرة جايي حبيبي

بيشوف حلاة الزيني

معنا عطور وزنانير

وتطريزات  وتنانير

بتعجب يمامه والزير

كلو  معبى بقناني

براني  وجواني

شغل تشرين التاني

يا عمي يا عمي

قالتلك  أمي

بدها الفستان الدمي

اعطيني فرجلي همي

كلو كلو بالألوان

بيفيق عين النعسان

يا صبايا يا نسوان

حنة وكحله للعينان

شامه حمرا للخدود

ووشم وزيني للزنود

شغل  الصيني

وشغل  هنود

أساور قدا وقدود

وخواتيم وسنساله

ياعمي  الشيني

ياعمي  الشيني

حمصي ولابرشيني

بدي شناكيل وإبرا  ة

شغل حمصي موبرا

متل النقشه والطرا

فرشايي وأقلام حمرا

وكحلة اتطولا عمرا

معانا دهان وصبغه 

للي جوا  وللي برا

أطباق مجدوله بقش

أساور ترش وتخش

متل صفحة الوش

معانا أقلام  حمرا

للبيضا  وللسمرا

ولكل البيهمك أمرا

ومعانا شكلات للشعر

شغل حموي والوعر

رخيصة ثمن وسعر

يا  رزاق ياكريم

اعطينا شوية صبر

ومعنا ربطات حرير

جدايل بالهوا تطير

ومناشف وبشاكير

وشراشف عالسرير

ياعمي سلمان البياع

ياعمي سلمان البياع 

دور  لعنا وارجاع

بدي منك إسوارة

تجنن شباب الحارة

رفقاتي زينب وسارة

وما معي ولا بارة

بكرة حبيبي بيرجع

جايي  لعنا زياره

بيدفعلك كل حسابك

وبشتري كل توابك

تكرمي ياصبيي

هاتي أيدك لعندي

شوفي صنع الأفندي

تعي البسي الأسوارة

 وطفي لقلبك  نارا

بكرة بكرة عالموسم

بتدفعيلي فرنكاتا

معاناقضامي ونمورا

تستاهل تم الأمورا

ومرايات للصورة

صافي قزازا وبلورا

اشترتها فطوم ونورا

تعواشترو يابنات

تعو شوفو يابنات

أنا سلمان الشيني

معي مناديل  وزيني

عطري شامي برشيني

صبيه ترن بخلخالا

ترمي الفرس خيالا