اصالة العشرة

مش اى عشره  تبقا عشره

ولا اى صديق يبقا صديق

كام من الناس بتصون العشره

وكام صديق  بيهوون الضيق

الدنيا باقيه وماشيه ومستمره

على خلق الله وملهاش رفيق

ولا تقدر تغير او تبدل أى نمره  

ومش اى معدن  فيها  دقيق

الاصيل فيها تُنكش عليه بأبره

وقليل الأصل مبيكملش الطريق

مفيش حد بيعمل حساب بكره

ولا بيقدر المعاملة لكل مخلوق

الحسابات مكتوبه لحد الأخره

وكل رقم واضح لكل الحقووق

الدين المعامله ف دمنا بالفطره

وجبر الخاطر  بيبدأ من الريق

مش أى عشره عشره ع عشره

لكن اصاله العشرة بلا مساحيق 

اسرار على الحلوه  وعلى المره

وربنا عالم بالقلب النقى الصدوق

ومهما طال الغروب على الشجره

الشمس بتزيحه ومعاها  الشروق 

.........................................

..... د/ حسن الشوان / مصر.......