وجع من غير صوت
في وجع ما يحبش الكلام
ولا يطلع في شكوى
وجع ينام جوه القلب
ويصحى مع كل خطوة
نعيش ونقول تمام
واحنا مش تمام
نضحك ع الدنيا
والقهر جوانا دوام
في ناس خدت عمرنا
ومشيت ولا بصت ورا
سابوا القلب واقف
في نص الحكاية حيران
كنا نحسب القرب أمان
والحضن ستر
طلع القرب امتحان
والوجع اكتر من الخطر
اتعلمنا نكتم الوجع
وما نفضحش القلب
لان اكتر جرح يوجع
يطلع من اقرب حد
دا وجع من غير صوت
ساكن في الضلوع
يكبر مع السنين
ويعيش جوه الدموع
دا وجع من غير صوت
لا شافه حد ولا بان
بس ربك عالم
بالقلب لما كان تعبان
ليالي طويلة عدت
واحنا واقفين مكانا
نعدي الناس وتعدينا
والحكاية لسه جوانا
الفرح لما يقرب
نخاف يطلع سراب
لان كل فرحة فاتت
قفلت وراها باب
كنا نطلب بس ستر
وكلمة طيبة وحنان
لقيتنا بندفع تمن
نية مالهاش ضمان
نمشي في الزحمة لوحدنا
والناس حوالينا كتير
لكن الوحدة الحقيقية
لما ما تلاقيش تقدير
في ضحكة مجروحة
تطلع من قلب تعبان
وفي عين مليانة حكايات
ما بتحبش البكاء
دا وجع من غير صوت
مش ضعف ولا انكسار
دا صبر لما طول
بقى وجع واستمرار
مش ندمانين ع الطيبة
ولا ع اللي فاتوا
الوجع ع قلوب
ما صانت اللي اديناه
كنا نخاف ع غيرنا
وننسى نفسنا
ونقول بكرة تهون
وتهون علينا
الدنيا علمتنا
من غير شرح ولا دليل
ان اللي يستحمل كتير
قلبه يبقى تقيل
بس لسه في القلب رب
شايف وسامع وحاسس
ولو طال الليل قوي
الفجر مش هينحاسب
دا وجع من غير صوت
بس ما كسرناش
اتألمنا كتير
بس راسنا ما وطيناش
ولو شفتنا ساكتين
مش معنى اننا نسينا
دا الوجع كبر جوانا
وبقى جزء من سنينا كلمات وتأليف شاعرالبسطاء أبومحمدسعيدالعربي
تعليقات
إرسال تعليق