قنديل الرجا  

شو قصة هالفجر بيوصل عالسكيت

وتنطفي شمعة فرح  كانت  قبالي

وتفلت من عيوني دمعة الياريت

ويبقى خيالو  دوم ساكن ببالي

تعب القلب ياليل قديشني تمنيت 

حاج تكذب عليي جاوب عاسؤالي

ليش المسا بيخطف غوالي البيت 

كيف بيسافرو لبعيد وتنقطع  امالي

كنت اعطيني خبر قبل مافليت

اسرق المنديل من شنتة الغالي

طيور البعد تعبت قد ماناديت

توعد تردو صدى واحضن  خيالي

طال الهجر ياليل شو خليت

الصبر مشروب  والدمع  رسمالي

ياليل كافي فارقني على السكيت

وخود عتماتك معك ونجمك العالي

قنديل الرجا راح طفحو بالزيت

بكرى عابكرى راح يرجع  الغالي

الشاعر السوري المهجري . د اليان سمعان