راسك بهالقمة  

الشاعر السوري د اليان سمعان 

مد ايدك مني خود هاللقمة 

لاتستحي مني يمكن انت جوعان

تعال نتشارك بصحن هالنعمة 

عندي الخير كتير والصحن مليان

معليش شاركني لاتحمل النقمة 

متلنا الناس كتير ضاعو بهالاوطان

ناس تشردو وضاعو بهالعتمة 

عاشو بالامل  يفرجها ربنا الرحمن

بطيبهن هالناس بيقدمو الخدمة

او يمكن تعودنا عالخوف والحرمان

قعود جنبي واسماع هالكلمة 

وتعا نلعب سوى لعبة النسيان

امس المسا شفت بحلمي

راجعة عالبيت عم بوس الحيطان

او يمكن بيوم اكتب  بدمي

بدنا السلام يعود ويعم عالبلدان

جمدت بارضي وقلتلا كلمة 

بتعرفي عالجوع هالوجه شو حليان

يازغيرة عالارض وراسك بهالقمة 

حكيك كرامة وعز وناموسك الوجدان