زجلية

بقلم الشاعر سليمان

أباالحسن

مغارة  ومساقي

حلوة البنت كتيركتير

أحلا منها مابيصير

متل العصفورة فرت

شفتا تتغندربكير

ممشوقه بفستان حرير

متل النسمه لو مرت

قلتلا  صباح الخير

وسلامي عجناح الطير

زمرعالكوع الشوفير

وكرت هالحلوة وكرجت

متل الغزاله شردت

زعلانه مني وحردت

جناحاتا نسمه وفردت

التفت نحوي وابتسمت

وسهاما  بقلبي رشقت

وجرحي نازف بتناهيد

لما شفتا ياخيي

دبلو جفوني بعينيي

وصاربقلبي

فرحة وعيد

لمابتغني موال

برتاح وبيروق البال

يلي متلا صارو قلال

حمامه بتغرد تغريد

ولما امسكتا بيديا

تسلملي أما وبيا

تحت الصفصافه وفيا

غشناسوا عمرجديد

ماحلا الكحله بعيونا

ماحلاسحراوفنونا

خليها تظن ظنونا

ترجع أفكارا وتعيد

تتغندرمتل  الجنييه

كلا شوق وحنييه

 غنيتلا غنييه

صارت تتباهى وتزيد

قالت أنا برداني

من بيت أمي حرداني

خدني عندك منشاني

والله بحالي حيراني

محمره متل القرميد

قلتلا اهلا وسهلا

هاالحظه شومشتقلا

رمييت عليي بتقلا

وقالتلي لسا بكيير

قلتلا اسكني بقلبي

بدفيكي وحياة ربي

ليش الحيرة والتفكير

قالتلي احملني وطير

متل سراب الزرازير

نشرد  بها  البريه

اهمسلي بشي خبريه

 احميني بسيف وشبريه

بيكفي شقا وتعتير

ضميتا بحب وحنان

و يا حنان و يامنان

ياخالق دنيا وانسان

أنت الرازق والمجير

تواعدنا  بالمساقي

كشفتلا كل وراقي

فواكي وخضرا ودراقي

وشوية قرة وجرجير

 ماحلا  أيام الماضي

مرتاح وبالي فاضي

راضي بحكمو القاضي

بزواريب وبدواوير

بالوادي وبضهر الشير

من فرحتي بدي طير

من عبا كبروا وفروا

بجناحتن العصافير

يوم السفرة توادعنا

شو اشتقنا وتلوعنا

ومهما نزلنا وطلعنا

حكمت فينا المقادير