(

صدق الوفاء في الحب

  للشاعر الدكتور علي مسلم عجمي

تعا يا مكفكف الأحزان قِلّلا

ال بقلبي كانت و فاضي محلّلا 

بعد لمين رح يكتب قصيدة

و بعشقك كل أحلامو وِصِللّا

افترقنا و القدر رتَّل نشيدة

و بذينيكي الصدى قَدَّس و صللّا

إنتي طول ما عني بعيدة

عليي تحرم النسوان كِللّا

حلفت اليمين و قلت ما بدي 

احكي معاها و لو إجت حدي

طالما بالعهد ما في إلتزام

و ما عندها نخوة وقت شِدي

قالت بحبك ليش تحكي هالكلام

و بحبها عم شك من مدي

عفراقها قديش متحمل ألام

و رغم الألم و الشفا ضدي

ما قدرت إصبر غير ليلة بالتمام

إلا ما إسمع صوت بيندي

تا سألت شو كفارة الحلف اليمين 

يا فتاوي اكتبي و بالعجل ردي

ارجعيلي وين ما كنتي ارجعيلي 

غبتي و غيبتك صارت طويلة

فوق الأرض.  تحت الأرض وينك

و عليكي طمنيني.. شو عليلي ؟

مهما يفصاوا بيني و بينك

و ما خلوا للحواجز أي وسيلة

بصوتك أندهي. و حتى بعينك

وفائي بيسمعك لو تندهيلي