شو عشت من عمرك   

بقلم د اليان سمعان 

لا تسرق الايام  وتعد السنين

 الحياة مابتنقاس بطولة الاعمار

اسرق  عمر من ورد البساتين

قبل مالدني تسرق اخر الازهار

عيش ساعاتك بالحب تخمين

ماراح تلحق راح يخلص المشوار

العمر كلو شقا واتعاب عالمسكين

بينطر هالفرح يغلط  لونو نهار

كيف الفرح بيمر عالتعب نسيانين

هالوقت عم يمشي والزمن غدار

تمرق ليالي العمر بالحلم غرقانين

ياريت لو مرة يفتح ورد نوار

ياعمر وقف هون للزمن محتاجين

رد الفرح الهن عنا ولاد زغار

واسعد قلوب الناس الكل تعبانين

ويارب تفرجها كاتب عباب الدار

عدّو سنين العمر ناس مرتاحين

وعمر الفرح عنا بينتهي بنهار

يارب تسعد قلوب الفرح نسيانين

طمّن لقلبو وامسح دمعة الختيار

نحنا بعطايا الرب منشكر ومقتنعين

مننظر بالامل بكرى اخر المشوار