ياضيعتي
ياضيعتي
ياضيعتي شبابي وشيبي
وميعتي
طالت عليك غيبتي
وطولة رجعتي
بتذكر حلاك ورباك
وورد الحبق بشباكي
وغدير يترقرق بنبعتي
ياضيعتي بدي شوية
هوا
بلسم جروحي ودوا
تيخف هجراني والنوى
ولو بيومي بدقيقتي
ولا سويعتي
ياضيعتي اشتقت للحواكير
سقي وقطف محاصيل
بكير
من حلاوة نشوة الفرح
شمس الصبح كانت
تغير
وكانت الفرحة واصلة
للمرحه
وبردايات شبابيكنا
مع النسمات تطير
وراعي الصبح بزوادتو
متل عادتو
سارح بها الغنمات
وبالبكاكير
ياضيعتي بطولة غيبتي
قلة هيبتي
وزادت بشعري شيبتي
اشتقت لخياتي وريحة
بيي وميمتي
اشتقت الينابيع والعيون
وريحة الحبق والطيون
وطبخة البرغل بالمقلي
والسانون
وفيي سنديان وصفصاف
جنات كاملة الاوصاف
دواوير وجرود وحفافي
امشيها كمان حافي
كتير هديك الربوع
خسارة وأسافي
شوكان الحب مخيم
ووافي
وشو كانت حلوة
قعدات الندى والعوافي
وعرقات معتقات رحيقها
شافي
ياضيعتي بسفح متى
ومراطيس ومراحات حتى
وكانون ببردو وزمهريرو
أثلج وشتى
وابريق عاصوبة حطب
رحيق ورطب
وكاسة المتى
ياضيعتي وعين القدح
ودواوير رقيعتي
حيلتي وفتيلتي
وشروتي وبيعتي
عين جريفات والمراحات
وكوثر وحوران والمساقي
ذكر معتق وباقي
وشوب وشمس حراقي
ومغارة الدرة وعين
العسل
من الحب ماقتل
ياعز الوادي والجبل
سحر المكان وكمان
الزمان
وكان ياماكان
شاب كتير إنسان
شو كان بالحلا هيمان
وشو قلبو حنون ريان
وشو كان عاشق ومفتون
بسحر وكحل وعيون
وشو فرفط بالعباب
وبوس العناب
وعن أمو معجون بدمو
وشوقطف رمان
ياضيعتي ياضيعتي
بقلمي سليمان أبا الحسن المكزون
تعليقات
إرسال تعليق